ቅዱስ ያሬድ የቅድስት ቤተ ክርስቲያን በሥርዐተ አምልኮዋ የምትጠቀምባቸው መጻሕፍትን ዜማ በመድረስ እንዲሁም ቅዱሳት መጻሕፍትን በመድረስ ለቅድስት ቤተ ክርስቲያን ጉልህ ድርሻ ከአበረከቱት ሊቃውንተ ቤተ ክርስቲያን መካከል አንድ ነው፡፡ የደብረ ሐዊ ቅዱስ ያሬድ አንድነት ገዳም በሰሜን ጎንደር በራስ ደጀን አካባቢ የሚገኝ ሲሆን ገዳሙ ቅዱስ ያሬድ ጉባኤ ቤት መስርቶ ሊቃውንትን ካፈራባቸው ገዳማት አንዱ ነው። በቅርቡም የፕሮጀክቱ ጥናት በተከናወነበት ወቅት በገዳሙ ስልሳ (43 መነኮሳት እና 17 መነኮሳይያት)፣ 13 ዲያቆናት እና 5 ቀሳውስት ይገኛሉ፡፡ በገዳሙ ውስጥ 30 ተማሪዎች የአብነት ትምህርት ሲማሩ የነበሩ ቢሆንም በአካባቢው ባለው ችግር ምክንያት ገዳሙን ለቀው ወጥተዋል፡፡
ይህንን ታሪክ ጠብቆ ለማቆየት ደግሞ የገዳሙ መሠረታዊ ችግሮች ሊፈቱ ይገባል፡፡ በዚህ መሠረትም ማኅበረ ቅዱሳን ገዳሙን ለማጠናከር ከደባርቅ ከተማ አስተዳደር 1000 ካ.ሜ ለንግድ የሚሆን ቦታ የተረከበ ሲሆን በዚህም ቦታ ላይ ሁለገብ የገቢ ማስገኛ ህንጻ ለመገንባት ጥናት አድርጓል።
ይህንን የደብረ ሐዊ ቅዱስ ያሬድ አንድነት ገዳም ሁለገብ የሕንጻ ፕሮጀክት በገንዘብ በመደገፍ
1 የገዳሙን መንፈሳዊ አገልግሎት በማጠናከር ማኅበረ መነኮሳቱ በተለያዩ አካባቢዎች በመንቀሳቀስ ለገዳሙ የሚያስፈልጉ ቁሳቁሶች በልመና ከማሟላት ይልቅ መንፈሳዊ ሥራቸውን በአግባቡ እንዲወጡ ለማድረግ፣
2 የአብነት ተማሪዎቹን እና መምህራኑን የምግብ እና የአልባሳት ችግሮችን በመፍታት ለቤተ ክርስቲያን ተተኪ ለማፍራት፣
3 የገዳማውያንን ፍልሰት በማስቀረት ገዳሙ እንዳይፈታና ከትውልድ ትውልድ እንዲሸጋገር ለማድረግ
የበኩልዎን የልጅነት ድርሻ እንዲወጡ በእንተ ስማ ለማርያም ስለ እመብርሃን እያልን እንጠይቃለን። ስለሚያደርጉት ድጋፍ ሁሉ የቅዱሳን አምላክ አብዝቶ ይስጥልን።